Ja'k kom nou van dok af. Brongitis, erge graad. Longe pyn. Week afgeboek, antibiotika, pynpille, rus. Ia, dis sleg - veral oor dit so flokken koud is in hierdie woonstel. Voel kompleet of die mure nat klip is. My warmwater sak rus op my voete. (Nee, niks so romanties soos n groot gemmerkat nie!!!!!!!) Ek voel so shit. Probeer kop hou met Duvie en Loli en Johann se letterkundige werke, maar my kop kan nie daai kop nie. Sal weer anderdag probeer. Joe ek het darem jou maraai en wie nou weer, gatiep(?), se gediggie uitermatig baie geniet. Ek voel so minderwaardig, veral noudat my kop so pyn, teenoor hierdie letterkundige guru's, ek is sommer dankbaar as daar iets is wat ek ook verstaan. Ek wens net daar was melkpap of sop in my maag, want 2 minute noedels is nou nie meer snaaks nie. Selfs nie met n blikkie salm ingemeng nie. Die salm is n oorblyfsel van amper n jaar gelede se geluk, toe geluk nog geluk was en ek nog nie n phantom was nie. Gaan nou slaap, of soos hulle op facebook se dux.